|
Cinque Terre

Inspesaun ba Ekipamentu sira iha FECT husi Team Audit Japaun

Segunda Feira (04/03/2019)-Governu Timor kria ona  koperasaun ho Governu Japaun iha area oioin , no Universidade Nasional Timor Lorosa’e hanesan  insituisaun governu ida ne’ebe hetan mos ajuda husi governu Japaun. Faculdade Engenharia Ciencia e Tecnologia hanesan Faculdade ida iha UNTL ne’ebe hala’o koperasaun mos ho governu Japaun liu husi ajensia JICA. Parte rua ne’e hala’o ona koperasaun hamutuk iha tinan 2001, no koperasaun ne’e kobre ba departamentu tolu ne’ebe eziste iha tempu ne’eba hanesan departamentu Mecanica, departamentu Civil no departamentu Electronica e Electrica. koperasaun ne’e hahu ho grant AID  reabilitasaun urjenti ba edifisiu iha campus Hera (2001-2003). Iha 2003-2005, espesialista barak husi Japaun haruka mai iha Faculdade Engenharia Hera atu hasa’e kapasidade hanorin dosenti nian. Iha 2006-2010 projetu ba koperasaun teknika hanaran “Capacity Development for Teaching Staff in Faculty of Engineering  (CADETEST) “ ne’e implementa atu hasa’e kapasidade hanorin. Iha period ne’e haruka ona dosenti balun ba hasai sira nia kursu masteradu iha Japaun no fila mai hanorin iha Faculdade Enjenharia. Atu kontinua koperasaun ida ne’e iha tinan 2010-2016 estabelese tan projetu seluk hanaran CADAFEST ho nia objetivu atu hasa’e kapasidade edukasaun, peskija no mos manajementu iha Fakuldade bai ha nivel ne’ebe kompetetivu. Durante implementasaun ba projetu refere, iha Universidade tolu husi Japaun ne’ebe involve hanesan parseiru ba iha departamentu tolu mak hanesan Universidade Yamaguchi ho departamentu Civil, Universidade Gifu ho  departamentu Electronica e Electrica  no Universidade Nagaoka ho departamentu Mecanica.

Hafoin remata tiha projetu ne’e iha Marsu 2016, proposal ba projetu foun hodi kontinua projetu ne’e submete tan ba iha governu Japaun no aprova duni iha 2016 hodi kontinua ho JICA-CADAFEST faze daruak. Objetivu jeral husi projetu ne’e maka “FECT sai hanesan sentru eselente iha area Engenharia iha Timor-Leste”. Projetu foun ne’e hare liu ba iha kualidade eduksaun nian no graduasaun, peskiza no  manejementu , ne’ebe iha ligasaun ho nesesidade social.

No ohin loron governu Japaun haruka nia team inspesaun mai iha Fakuldade Engenharia hodi halo inspesaun ba ekipamentu hotu ne’ebe governu Japaun oferese komesa iha 2001 to’o agora. Team inspesaun Japaun hala’o enkontru ho Estrutura Fakuldade akompanha ho JICA hodi husu kona ba kondisaun ekipamentus sira, implementasaun ba ekipamentus sira hanesan Solar Panel, no tarjetu ne’ebe hetan ona husi output edukasaun no peskija nian. Hafoin sorumutu ne’e team inspesaun hamutuk ho estrutura FECT hala’o vijita iha Kampus laran hodi hare kondisaun ba ekipamentus no edifisiu sira.

Mapa Local FECT



Pagina Facebook


Ba Leten