|
Cinque Terre

Inagurasaun Dormitoriu São José FECT-UNTL

Tersa Feira(19/03/2019) – Faculdade Engenharia , Ciência e Technologia  Universidade Nacional Timor Lorosa’e ohin loron hala’o inagurasaun ba Dormitoriu ne’ebe lokaliza besik ho Kampus Engenharia Hera. Iha inagurasaun ne’e hetan partisipasaun husi Mágnifico  Reitór Prof.Dr Francisco Miguel Martins ho estrutura UNTL sira, partisipa mos husi parte Governu Timor Lorosa’e, S.E Ministro Transporte no komunikasaun, Sr. José Agustinho da Silva, S.E Vice-Ministro Edukasaun  Juventude no Desporto, Sr. João Jacarias Freitas, S.E Sekretário Estado Arte no Kultura, Sr.Teofilo Caldas, Diretor Ajensia Dezenvolvimentu  Nasional (ADN), Sr. Samuel Marçal.

Dormitoriu refere harii hodi bele fasilita estudante Faculdade Engenharia , Ciência e Technologia-UNTL ne’ebe hetan prestasaun diak hodi bele hela iha ne’eba ho kondisaun ne’ebe diak ba sira atu bele estuda hodi hasa’e sira nia prestasaun iha area Engenharia. Dormitoriu ne’e gastu orsamentu hamutuk millaun 2.2 dollares Amerikanu utiliza ba konstrusaun, dezenu uma nian, no mos fasilidade sira ne’ebe iha laran. Iha loron inagurasaun ne’e monu iha dia 19 de Marsu ne’ebe hanesan loron São José nian tan ne’e Dormitoriu ne’e hanaran Dormitoriu São José.

 Iha Biban ida ne’e Reitor UNTL mos hateten ba estudante sira hotu katak :”Konfiansa ne’ebe mak fo husi ita nia governu liu husi ita nia estadu, atu ita utilija ho didiak, ba estudante sira ne’ebe selesiaonadu atu tama iha ne’e, prienche kriteria ne’ebe iha tia ona i sosializa tia ona , no ba estudante sira ne’ebe hela iha ne’e , imi hela nu’udar imi nia rasik, no sasan sira ne’ebe iha laran imi kuida husi primeiru dia imi tama to loron ikus imi sai fila fali atu entrega ba imi nia alin sira tuir mai.

Dormitoriu ne’e harii husi Sr. Kayrala Xanana Gusmão nia ideia, tamba iha tinan liu ba Sr. Xanana tun direitamente mai iha dormitoriu tuan (kontrusaun iha tempu Invasaun Indonesia) hodi hare’e kondisaun estudante Engenharia sira ne’e hela iha ne’eba, ho kondisaun ne’ebe la favoravel ba estudante sira atu hela no bele estuda ho diak tan ne’e Sr. Xanana iha momentu sei Ministru Planeamentu Estratejiku no Dezenvolvimentu ho nia ideia no halo planu hodi harii dormitoriu ne’e  hodi oferese ba estudante sira atu hela.

Diretor Ajensia Dezenvolvimentu  Nasional (ADN) , Sr. Samuel Marçal mos hateten katak :” obra ida ne’e harii ho hanoin ida oinsa atu konsentra ita nia joven sira ne’ebe ita temi bebeik jerasaun foun ne’e, no husu ba alin sira ne’ebe iha ona desijaun atu hela iha uma ne’e, utiliza didiak ba atu imi bele sai estudante ho kualidade diak.”

Sr. Samuel  mos hato’o agradese no fo parabens ba  dosente sira hotu iha Faculdade Engenharia tamba ho sira nia esforsu bele produz engenheiru ne’ebe kualidade no iha tinan hira liu ba halo rekrutamentu  kuaje kualidade diak husi engenheiru FECT-UNTL , no engenheiru ne’ebe agora  servisu iha Ajensia Dezenvolvimentu  Nasional (ADN) ne’e barak mai husi FECT-UNTL.

Dormitoriu São José ne’e hetan bensaun husi amu kapelaun Amu Nivio ne’ebe fo bensaun komesa husi odamatan bo’ot too ba kada kuartu no sala sira ne’ebe eziste iha dormitoriu laran.

 

Mapa Local FECT



Pagina Facebook


Ba Leten