|
Cinque Terre

Lansamentu ba grupu Renewable Energy & Environment Research (REER)

Quinta-Feira(21/03/2019)- Peskiza Akademiku hanesan studu detaillu husi subjetu ida, especialmente aproxima atu deskobre informasaun foun ka hetan  entendimentu foun. Objektivu husi peskija akademiku ne’e rasik atu buka buat lo’os no entendimentu foun ne’ebe bele hasa’e dezenvolvimentu social. Faculdade Engenharia, Ciência e Tecnologia (FECT)mos tau importancia bo’ot ba iha area Peskiza tamba ne’e   iha Fakuldade laran kria ona grupu ida ne’ebe  hala’o peskiza iha area Energia Renovável no grupu ne’e rasik ho naran Renewable Energy & Environment Research (REER).

Membru Renewable Energy & Environment Research (REER) agora dadaun kompostu husi dosenti Departamentu Enjeñaria Mekanika (DEM) no Departamentu Enjeñaria Elektronika e Elektrica  (DEEE). Xefi grupu maka Dr. Victor da Conceição Soares (DEM), vice Eng. Abelito Filipe Belo (DEEE) no membru sira maka  Dr. Ruben Jeronimo Feitas (DEEE), Eng. Reinaldo Guterres da Cruz (DEEE) no Eng. Domingos de Sousa Freitas (DEM) no Advisor Prof. Tomonao Kobayashi no Prof. Hiroki Yoshida husi Universidade Gifu Japaun.

Ohin loron Quinta Feira dia 21 Marsu 2019 ofisialmente lansa grupu Renewable Energy & Environment Research (REER) iha Meeting Room Hera Campus. Iha lansamentu ne’e membru husi grupu sira mos hala’o aprejentasaun husi rejultadu peskiza ne’ebe durante ne’e sira halo ho sira nia grupu, rejultadu peskiza sira maka ho titulu “Study on the production of Palm Wine to Local Liquor (Tua Sabu) with Traditional Method for Improve Livelihood” aprejenta husi  Eng. Domingos de Sousa Freitas (DEM) , “Wind Energy Section” aprejenta husi Dr. Victor da Conceição Soares (DEM) no ikus liu  maka “Measurement and Analysis of Fluctuation in Wind Power” aprejenta husi Eng. Reinaldo Guterres da Cruz (DEEE).

Iha biban ida ne’e Dekanu FECT Dr. Ruben Jeronimo Feitas hateten “ Loron ohin hanesan momentu bo’ot ida ba historia FECT nian ne’ebe bele estabele grupu Renewable Energy & Environment Research (REER), ida ne’e laos hanesan indicator ba projetu CADAFEST deit maibe hanesan mos step ida ho espiritu peskiza nian atu bele dezenvolve Fakuldade ida ne’e

Dekanu mos husu nafatin ba peskizador sira atu kontinua hala’o peskiza ne’e ba oin no nafatin kolabora hamutuk hodi kontribui ba dezenvolvimentu nasaun ida ne’e nian.

Mapa Local FECT



Pagina Facebook


Ba Leten