|
Cinque Terre

Bolsa OGFICE 2019 ba Estudante FECT

Quinta-Feira(25/04/2019)- Programa OSAKA GAS Foundation of International Cultural Exchange (OGFICE) hanesan programa ida ne’ebe kada tinan sempre fo apoiu ba estudante husi Faculdade Enjenharia, Ciência e Tecnologia ne’ebe hetan valor IPK a’as. Objektivu husi bolsa ne’e mak atu ajuda estudante sira iha prosesu aprendijazen iha UNTL-FECT. Bolsa ne’e inisia iha tinan 2013-2016 ne’ebe  oferese ba aluno nain rua nulu no ba dosenti rua hodi ba tuir treinamentu iha Japaun maibe iha tinan 2017 ate agora bolsa ne’e oferese ba estudante nain tolu nulu no bolsa ba dosenti laiha ona tamba troka ona ho estudante nain sanulu.

Iha tinan  ida ne’e  bolsa OSAKA oferese ba estudante Faculdade Enjenharia, Ciência e Tecnologia  husi kada Departamentu  hamutuk  estudante  nain ne’en, Departamentu Engenharia Mecanica (6), Departamentu Engenharia Civil (6), Departamentu Engenharia Electronica e Electrica (6), Departamentu Engenharia Informatica (6), Departamentu Engenharia Geologia e Petroleo (6) , ho total  estudante tolu nulu mak simu bolsa refere. Programa ne’e oferese bolsa ho montante 15,000 dollares Amerikanu.

Serimonia ne’e hala’o iha Auditorium UNTL , hetan partisipasaun husi Mágnifico  Reitór Prof.Dr Francisco Miguel Martins, Prof.Dr Eduardo Aniceto Serrão, Dekanu FECT Dr. Ruben Jeronimo Freitas, Vice-Dekanu Assunto Cooperação e Pesquisa Dr. Cancio Monteiro, Diretor Ezekutivu OGFICE Sr. Hiroshi Sumitomo, reprejentante JICA no Inan-Aman husi estudante bolseiru sira.

Hafoin de entrega sertifikadu ba estudante nain tolu nulu, Diretor Ezekutivu OGFICE Sr. Hiroshi Sumitomo mos hala’o vijita mai iha kampus FECT Hera hodi hare ambiente iha Kampus Hera no mos koalia direitamente ho estudante sira ne’ebe simu bolsa iha tinan kotuk liu ba no tinan ida ne’e nian. Alem de ne’e Sr. Hiroshi Sumitomo mos hala’o diskusaun ho Dekanu no estrutura FECT hamutuk ho Parte JICA kona ba Assunto Bolsa OSAKA GAS Foundation of International Cultural Exchange (OGFICE).

Mapa Local FECT



Pagina Facebook


Ba Leten