|
Cinque Terre

Palestra Especial husi Ekipa Engenaria Forsa Naval Estadus Unidus Amerika

Tersa-Feira(30/04/2019)- Estudante Faculdade Engenharia Ciência e Tecnologia ohin loron hetan oportunidade partisipa special Lecture ne’ebe oferese  husi ekipa engenaria forsa Naval Estadus Unidus Amerika. Especial lecture ne’e oferese ba estudante finalista husi departamentu rua, departamentu engenharia Mecanica no departamentu engenharia Electronica e Electrica, tamba materia ne’ebe oferese husi orador sira ne’e relevante ho area estudu husi departamentu rua ne’e iha parte Energy Renewable nian.

Iha aprejentasaun ne’e loke ho aprejentasaun husi Dr. Victor da Conceição Soares dosenti husi departamentu Engenaria Mecanica , ho tema Wind Energy Section, hafoin de aprejentasaun husi Dr Victor tuir kedas aprejentasaun husi ekipa Engenaria Naval EUA Sr. Bryan Long,PE,CEM Electrical Engineer acompanha ho Camandante Sibly, tema ba aprejentasaun maka Renewable Energy Opportunities for Timor-Leste, aprejentasaun ne’ebe fo ho lian ingles maibe estudante sira hotu komprende no estudante barak mak husu perguntas kona ba topiku ne’ebe aprejenta.

Iha sesaun ikus husi parte FECT oferese Tais ba orador sira nu’udar simbolu apresiasaun no amizade atu nune’e bele hametin relasaun ne’e ba futuru oin mai, no sorumutu ne’e remata ho foto hamutuk entre forsa Naval EUA  ho estrutura FECT no estudante sira.

               

Mapa Local FECT



Pagina Facebook


Ba Leten