|
Cinque Terre

Hasae Koñesimentu Estudante sira nia liu husi Seminariu

Segunda Feira (10/06/2019)- Departamentu Enjeñaria Sivil ohin loron realiza Seminariu ho tema “Hasa’e koñesimentu estudante sira nia liu husi seminariu iha Departamentu Enjeñaria Sivil, Fakuldade Enjeñaria, Siensia no Teknolojia-UNTL”. Seminariu ne’e hetan partisipasaun husi estudante ativu sira, dosente no mos orador ne’ebe hetan konvite hodi mai fo palestra ba estudante sira ho tema ne’ebe mak relevante ba materia ne’ebe sira simu iha aula laran.

Iha seminariu ne’e director Departamentu Enjeñaria Sivil Eng. Alfredo Ferreira hateten :” Seminariu hanesan ne’e tenki halo hela deit atu bele aumenta estudante sira nia kapasidade no hatene molok sira tun ba kampu hodi halo sira nia pratika, husu mos ba estudante sira atu bele aproveita didiak tamba seminariu ne’e iha relasaun ho teoria ne’ebe simu , alem de ne’e tenki mos organiza aan atu bele partisipa iha seminariu sira hodi bele foti netik bukae ruma  no sei ajuda imi iha futuru mai ”.

Iha biban ida ne’e husi parte komisaun organizadora konvida orador sira ne’ebe sei halo aprejentasaun mak husi parte Timor GAP ho orador Sr. Lourenço Soares  , Marine Facility Manager GUS business Unit ho topiku “Soil Improvement Using Stone Column Technique with Pribe’s Method design and instalation”  , husi  Ministerio Obras Publica  iha orador nain  rua ne’ebe lori topiku la hanesan,  orador  Sr. Francisco Xavier Pereira nu’udar xefi departamentu  abastesimentu de agua e saneamentu de Dili ho topiku “Sistema Be’e Mos Iha Kapital Dili”, Sra. Yosefina  J. Usfinit, BCC ho topiku “Supervizaun Estrada iha Timor-Leste” ,  husi  parte Agencia do Desenvolvimento Nacional (ADN) Sr. Esron St Henuk Ms. Finance  ho topiku “Aprejentasaun Siklu Ontrolu Projetu Atu Atinji Kualidade Ne’ebe Planeadu” no iha mos aprejentasaun husi Alumni departamentu Enjeñaria Sivil ne’ebe mak servisu iha konstrusaun edifisiu foun FEST Maun Aquino Vilde da cruz, Lic.Eng ho topiku “Gestão a Implementação do Novo Edificação FEST”. No iha aprejentasaun sira ne’e hotu iha mos sesaun husu no hatan husi estudante ba orador sira kona ba topiku ne’ebe sira aprejenta.  Molok remata  husi komisaun organizadora mos hato’o relatoriu kona ba seminariu refere.

 

Mapa Local FECT



Pagina Facebook


Ba Leten