|
Cinque Terre

Steering Committee Meeting (SCM) ba Dala Sia (9)

Tersa Feira (11/06/2019)-  Fakuldade Engeñaria Siensia no Teknologia (FEST) iha projetu kona ba kapasidade dezenvolvimentu ba iha fakuldade liu husi  projetu CADAFEST faze daruak  iha kooperasaun ne’ebe hala’o entre nasaun rua Japaun no Timor-Leste liu husi ajensia JICA.  Steering Committee Meeting ne’e realiza kada fulan tolu atu bele hare no koalia kona ba progresu aktividade hotu ne’ebe iha projetu nia laran.

Iha Steering Committee Meeting ba dala sia (9) ne’e realiza iha aula departamentu Engeñaria Informatika , hetan partisipasaun husi parte JICA Sr.  Takahasi n, Sr. Shimakawa, Dekanu no estrutura FEST , Xefi no Vice departamentu sira. 

Pontus importante no objektivu husi projetu ne’e hare liu ba iha parte Manajementu, Edukasaun no mos Peskiza iha Fakuldade. Hanesan iha sorumutu SC ne’ebe liu ba husi parte JICA sei halo aprejentasaun kona ba progresu ne’ebe Fakuldade atinji husi fulan Marsu to’o Juñu 2019 no mos sei aprejenta planu ba iha fulan Jullu to’o Setembru 2019 kona ba manajementu, Edukasaun no mos Peskiza iha Fakuldade laran.

 Iha parte manajementu koalia kona ba special lecturer  husi professores ne’ebe mai husi Universidade Japaun  ba iha kada departamentu  hodi fo materia ba estudante sira bazeia ba area ida-idak nian. Hato’o mos kona ba survey ne’ebe JICA sira hala’o ba  rate alumni  ne’ebe mak hetan ona servisu husi  graduados  iha tinan 2016 to’o 2019  seidauk atinji 50%. Edukasaun mos hanesan parte ida ne’ebe inklui iha projetu ne’e, iha parte edukasaun koalia kona ba silabus no mos material hanorin nian, projektu ne’e mos bele suporta ba iha kontestu hanorin balun liu husi konsultasaun personal ho dosenti sira. Iha parte ikus maka peskiza, persentajen husi staf fakuldade ne’ebe submete proposal peskiza bazeia ba nesesidade social atinji ona 80%, no proposal sira ne’e mai husi dosenti sira husi kada departamentu. Alem de ne’e hato’o mos informasaun kona ba preparasaun mud aba edifisiu foun FEST ne’ebe ho expektasaun sei kompleta iha Setembru tinan ida ne’e no ekipamentu ba edifisiu foun sei to’o iha Hera fulan Agustu tinan ne’e.

Husi kada departamentu  mos aprejenta kona ba difikuldade ne’ebe sira enfrenta no mos progresu ne’ebe sira atinji durante ne’e, no maioria  maka hato’o kona ba kurikulum, silabus, peskiza no mos kona ba treinamentu tempu badak ba dosenti no staff laboratoriu.

Hatan ba kestaun sira ne’e dekanu FECT Dr. Ruben Jeronimo Freitas  hatetetn: ”Bazeia ba karta husi Reitor ba dekanu hotu kona ba muda kurikulum ne’e iha ona maibe ita seidauk bele muda kurikulum ne’ebe ita utiliza tamba agora dadaun ne’e ita iha hela tinan klaran tan ne’e seidauk bele atu halo mudansa no muda kreditu ne’ebe iha ”.

Iha parte seluk Vice Dekanu Assutu Kooperasaun no Peskiza Dr. Cancio Freitas mos nafatin  hato’o ba dosenti sira atu bele submete sira nia peskiza hodi nune’e bele kontribui ba publikasaun journal fakuldade nian iha publikasaun  Timorese Academic Journal of Science and Technology  (TAJST) daruak ,  ho deadline ba submisaun iha dia 15 Juñu 2019 no sei publika iha setembru 2019.

Mapa Local FECT



Pagina Facebook


Ba Leten