|
Cinque Terre

Vizita Princeza Tailandia Maha Chaki Sirindhorn iha FEST

Quarta Feira (12/06/2019)- Fakuldade Enjeñaria Siensia no Teknolojia ohin loron hetan vizita husi  Princeza  Tailandia Maha Chaki Sirindhorn ho delegasaun husi embasada Tailandia, vizita ne’e ho objektivu atu hare’e kondisaun real iha ensinu superior ida ne’e.  Molok atu  kontinua vizita iha kada departamentu hodi hare’e kondisaun ne’ebe iha , Magnifiku Reitor UNTL Prof. Dr. Francisco Miguel Martins akompaña ho Pró-Reitor dos Assuntos da Cooperação Prof. Dr. Eduardo Aniceto Serrão, Pró-Reitor dos Assuntos do Planeamento e Desenvolvimento Institucional Prof. Leonel da Silva Gregorio , Dekanu FECT Dr. Ruben Jeronimo Freitas ho estrutura no mos dosenti FECT iha aula meeting room hodi halo aprejentasaun kona ba profile Universidade no Fakuldade ba Princeza  Maha Chaki Sirindhorn no nia delegadu sira.

Hafoin  aprejentasaun remata Princeza ho nia delagadu sira hamutuk ho estrutura Universidade no Fakuldade hala’o vijita ba iha biblioteka FEST,  departamentu Engeñaria Mekanika, Laboratoriu Geologia no Petroleu, departamentu Engeñaria Sivil, departamentu Engeñaria Elektronika e Elektrika no departamentu Engeñaria Informatika. Maski ho tempu ne’ebe limitadu maibe Princeza Maha Chaki Sirindhorn konsege vizita departamentu hotu iha FEST.

Magnifiku Reitor UNTL Prof. Dr. Francisco Miguel Martins mos hateten katak Agadese tebes tamba bele hetan vizita husi Princeza Tailandia ho nune’e karik ba futuru bele iha relasaun diak liu tan hodi bele suporta Universidade liu-liu iha Fakuldade sira ne’ebe Princeza husu iha aprejentasaun antes ne’e no fakuldade sira mak hanesan Fakuldade Agrikultura, Fakuldade Medisina no Fakuldade Enjeñaria.

 

Mapa Local FECT



Pagina Facebook


Ba Leten