|
Cinque Terre

ANAAA halao Avaliasaun Programatiku iha Departamentu Geologia e Petroleo (FECT-UNTL)

Quinta Feira (01/08/2019)-Ekipa  Avaliador Agência Nacional Para a Avaliação e Acreditação Academica (ANAAA)  mai iha Faculdade Engenharia, Ciência e Tecnologia (FECT), Universidade Nasional Timor Lorosa’e (UNTL) hodi halo avaliasaun no akreditasaun programatiku ba  Departamentu Geologia e Petroleo, vizita ne’e hala’o durante loron rua iha kampus FECT Hera.

Avaliador ne’ebe mai halo avalia kompostu husi avaliador internasional  husi nasaun Malasia Sr. Ahmad Yasir Bin Md said , no avaliador nasional Sr. Jose da Costa Ferreira no Sra. Santiana M. F. J. Guterres.

Iha loron primeiru (31/07) ba avaliasaun nian partisipa husi dekanu FECT Dr.Ruben Jeronimo Freitas, Vice-dekanu Asssuntu akademiku Dr. Junior Raimundo da Cruz , Vice dekanu assuntu Kooperasaun no Peskiza Dr. Cancio Monteiro, Diretor no Vice director, dosente no teknikus laboratoriu husi departamentu refere . Iha biban ida ne’e dekanu FECT mos hala’o abertura hodi aprezenta profile Fakuldade nian ba iha avaliador sira, hafoin de ne’e Vice director Departamentu Geologia e Petroleo Eng. Vital C. M. de Araujo Vilanova  mos hala’o aprejentasaun kona ba profile departamentu. Tuir agenda ba loron primeiru nian depois de aprezentasaun husi Dekanu no vice director , avaliador sira halo intervista ho dosenti no teknikus laboratoriu sira kona ba aktividade akademika sira ne’ebe hala’o iha departamentu laran, intervista mos estudante no alumni no hala’o verifikasaun ba dokumentus sira ne’ebe iha departamentu.

Iha loron segundu (01/08) ekipa avaliador akompaña husi Diretor, Vice  departamentu no dosenti sira hala’o vizita ba fasilidade hanesan biblioteka, sala de aula no laboratorium ne’ebe eziste. Ikus mak ekipa avaliador sira halo diskuzaun kona ba informasaun ne’ebe hetan durante loron rua husi vizita ne’e hodi fo fali rezultadu diskusaun nian ba departamentu atu nune’e bele sai bukae ida hodi bele hadia liu husi sujestaun ne’ebe mak fo husi avaliador sira.

Iha parte seluk vice director departamentu Eng. Vital hateten kona ba departamentu nia preparasaun durante ne’e quaze fulan rua  hodi prepara dokumentus  no evidensia hotu ne’ebe sira iha.

 ” Durante fulan rua ho balun ami halo preparasaun ba dokumentus sira no hetan desafiu barak tebes tamba ami ema ne’ebe iha espesialidade  iha campu laos administrasaun nian, maibe ami esforsu hodi servisu hamutuk  hodi kompleta malu to’o iha loron ohin, no sujestaun ho rekomendasaun hotu ne’ebe mak ohin mai simu husi avaliador sira ami sei konsidera no follow up hodi bele hadia iha futuru oin mai” hateten Eng. Vital.

Enseramentu ho entrega lembransa tara tais husi departamentu ba Avaliador sira hanesan memoria no agradesimentu ne’ebe departamentu no Fakuldade oferese.

 

Mapa Local FECT



Pagina Facebook


Ba Leten