|
Cinque Terre

JCC Meeting ba Dala Ha’at (4) & Lansamentu Ba Timorese Journal of Science and Technology volume darua (2)

Quinta (12/09/2019)- Joint Coordinating Committee (JCC) meeting ba dala ha’at (4) ne’ebe realiza loron ohin hetan partisipasaun husi parte rua, governu Japaun liu husi JICA no UNTL-FEST  ne’ebe halo kooperasaun hodi servisu hamutuk ba dezenvolvimentu iha Fakuldade Enjeñaria Siensia I Teknolojia, partisipa husi Diretora Jeral ensinu superior, Siensia no Teknolojia Dra. Maria Filomena Lay Guterres,  xefe reprejentativu JICA Timor Leste Sr. Masafumi Nagaishi ho nia Komitiva sira husi JICA, Pró-Reitor dos Assuntos de Cooperação UNTL Professor Doutor Eduardo Aniceto  Serrão, Dekanu FEST Dr.Ruben Jeronimo Freitas ho nia Estrutura no Dosenti FEST. Sorumutu ne’e realiza iha salaun Hotel Ramelau.

Sorumutu ne’e koalia kona ba progresu ba projetu ne’ebe realija iha Fakuldade Enjeñaria Siensia no Teknolojia liliu iha planu servisu 2019 nian liu husi projetu CADAFEST faze darua , koalia  mos parte prosesu aprendijazen ne’ebe durante ne’e halao iha FEST. Ajenda ne’ebe koalia iha  sorumutu ne’e mak iha  abertura husi parte Ministerio Edukasaun nian Dra. Maria Filomena Lay Guterres, husi parte JICA,  xefe reprejentativu JICA Timor-Leste Sr. Masafumi Nagaishi, no parte UNTL nian husi Pró-Reitor dos Assuntos de Cooperação UNTL Prof. Dr. Eduardo Aniceto  Serrão.

Iha abertura ba sorumutu ne’e Diretora Jeral ensinu superior, Siensia no Teknolojia Dra. Maria Filomena Lay Guterres hato’o nia liafuan abertura :” Hau hakarak agradese ba JICA ba ajuda iha projetu ne’e ho nune’e bele atinji Fakuldade nia vijaun hodi sai sentru ba exselensia iha area engenaria iha Timor Lorosa’e, agradese mos ba Reitor UNTL no dosenti hotu iha FECT ba esforsu tomak ne’ebe  koopera hodi realiza projetu

Iha biban ida ne’e iha mos aprejentasaun husi deknau  FEST Dr. Ruben Jeronimo Freitas kona ba situasaun agora iha FEST-UNTL, progresu husi aktividade  projetu iha projetu  tinan daruak nian ne’ebe implementa iha FEST, lansamentu ba journal Timorese Journal of Science and Technology volume daruak no Planu servisu ba projetu tinan datolu nian.  

Alem ne’e Dekanu mos hato’o nia agradesimentu ba kooperasaun ne’ebe hala’o ho JICA. “Hato’o agradese ba JICA ho suporta tomak durante ne’e ba Fakuldade liu husi finansas no mos formasaun hodi bele hasae kualidade hanorin no mos peskiza, hato,o mos agradese ba Vice Dekanu Assuntu Kooperasaun no Peskiza Dr. Cancio Monteiru ba servisu maka’as hodi bele rekolla rejulltadu peskiza husi dosenti iha FEST ne’ebe halo peskiza iha tinan 2018 to’o 2019 hodi produs journal volume darua” hateten Dr.Ruben.

Hafoin aprejentasaun hala’o mos Lansamentu ba  Journal Volume daruak (Timorese Academic Journal of Science and Technology (TAJST)) ne’ebe hakerek kona ba peskija sientifika ne’ebe durante ne’e dosenti husi FEST sira peskija no hakerek hodi produs Journal refere. Tinan kotuk konsege lansa ona journal volume dahuluk no ohin loron bele lansa tan volume darua ne’ebe hakerek kona ba peskiza dosenti sra nian iha area Enerjia renovavel, ICT, sirkuitu elektrika , no mos area ne’ebe eziste iha fakuldade.

Iha aprejentasaun ikus husi xefe advisor CADAFEST Projetu faze darua  Prof.Dr. Koichi SHIMAKAWA  kona ba planu servisu husi projetu CADAFEST iha Setembru 2019-Agusto 2020 ba aktividade output iha pontu tolu ne’ebe importante iha aprejentasaun ne’e maka Manajementu ba Fakuldade, edukasaun no mos peskija.

 

Mapa Local FECT



Pagina Facebook


Ba Leten