|
Cinque Terre

“Dalan Ba Implementasaun IoT iha Timor Lorosa’e”

Segunda Feira (16/09/2019)- Departamentu Enjeñaria Informatika (DEI), Fakuldade Enjeñaria Siensia no Tekonolojia-UNTL hala’o seminariu ho tema “Dalan Ba Implementasaun Internet of Things iha Timor Lorosa’e” (13/09) iha salaun Minisiteriu Soliedariedade Sosial e Incluzaun ho objektivu atu hare’e preparasaun no dalan saida mak Timor tenke hili atu bele Implementa teknolojia hirak ne’ebé relasiona ho implementasaun IoT nian iha Futuru. Ne’ebe hetan partisipasaun husi Pro-Reitoria Assunto Provedoria e Akonsellamentu (PRAPA) Dra.  Teresa Antonia Madeira Soares , Dekanu Fakuldade Engeñaria  Siensia no Teknologia Dr. Ruben Jeronimo Freitas, Vice Dekanu Assuntu Akademiku Dr. Junior Raimundo da Cruz, Diretora no estrutura Dosenti (DEI), Estudantes Ativu, Partisipantes husi universidade seluk hanesan IOB, UNITAL, IPDC no eskola sekundaria sira.

Iha seminariu ne’e iha orador nain tolu mak sei aprejenta topiku ne’ebe relevante ho Internet of Thing. Orador dahuluk Sr. Mario Guterres, B.Inf nu’udar Jestor IT iha Autoriedade Nasional Petroleo e Minerais   ho nia tema  “Best Practice Implementation Infraestructure of  Data Center” ne’ebe hare liliu oinsa atu hili hardware, software no mos halo managementu diak ba iha parte Data Center. Orador darua  Sr. Vosco Pereira, M.Eng nu’udar Dosenti DEI kona ba “Toward the Implementation of  IoT and Research Development in Department” hare’e liu ba iha implementasaun IoT no peskiza ne’ebe durante ne’e hala’o iha departamentu Informatika laran. No orador ikus mak  Sr. Florindo Guteres da Costa, MDD ho nia tema “The Structure, Challenge and the Chance of Development in IDS (Intrusion Detection System)” ne’ebe koalia liu ba seguransa ba iha IoT.

Iha biban ida ne’e husi komisaun organizadora mos preprara sesaun ba aprezentasaun poster husi rezultadu peskiza teze husi estudante finalista sira,  Iha sesaun poster ne’e ho total poster hamutuk ruanulu mak aprezenta husi estudante finalista sira nia teze no mos inklui Alumni DEI nia rezultadu teze. Ho objektivu atu hatudu katak Informatika FECT-UNTL mos bele kria Sistema sira ne’ebe tuir nesesisade social nian maski oras ne’e sei utiliza deit iha Departamentu , Fakuldade laran no mos iha Fatin Peskiza sira. Titulu no Autor ba Sistema ne’ebe kria mak hanesan:

  1. Sistema Informasaun Bibiloteka Fakuldade Engenharia Ciência e Tecnologia- Universidade Nasional Timor Lorosa’e  husi  Quintino Soares, L.Inf (Alumni DEI).
  2. Sistema eProposal ba SEJD husi  Maximeno dos Santos, L.Inf  (Alumni DEI).
  3. Sistema Kontrolu Karta tama no Karta sai iha Fakuldade Engenharia Ciência e Tecnologia utliza Teknolojia SMS Gateway  husi Marcos Gusmão Martins, L.Inf (Alumni DEI).
  4. Image Classification For Mikolet In Capital Dili Using Machine Learning husi ELisio A. Tilman Ximenes.           
  5. Speech Database for Makasae Language husi Felizmina Zela Costa Akoyt  .
  6. Aplikasaun Media Aprendizajen Kursus Lingua Ingles Baziku Bazeia Ba Web Iha Etda husi  Aderito Martins.          
  7. Sistema Kontrolu Lampu Bazeia Ba Arduino Mode MCU ESP8266 Iha ETDA husi Ceverinho L. J. Salsinha.
  8. Analiza Log Snort Tuir Rede Forensic Da Direção Nasional Administração E Finanças Iha Ministerio Justiça iha Fernando de J. Mendonca.
  9. Sistema Informasaun Asidente Trafiku iha munisipiu Dili iha Francisco Pereira de Araujo.            
  10. Sistema Jestaun Bee Moos (Galon) iha Kompania VIP ba Loza Utiliza SMS Gateway iha Bernardo Ximenes Ribeiro.          
  11. Speech Database for Mambae Language Using Smartphone  Samsung J2 Core husi  Emilia Dos Santos.  
  12. Sistema Jestaun Dadus Distribuisaun Livrus ba eskola iha Timor laran husi  José da C. Freitas.     
  13. Sistema Monitorizasaun ba Veiukulos  iha Taltabi Motorbike & Car Rentals utiliza GPS Tracker husi Elias Diamentino M. de Carvalho  
  14. Fraud Ripe Banana  Classification Using Method K-Nearest Neighbors and  Principal  Component Analysis  husi Adelino Soares.  
  15. Sistema Reserva (Booking) Room Hotel: Estudu ba Kazu iha Hotel Audian  husi Gliseria M. do R. B. Quintao.         
  16. Base dadus Lian ba Lian Fataluku  husi Ezequiel Fernandes.           
  17. Sistema Infomasaun ba Akademika ba ETCI, Ermera husi Jesuino Gerladino de Almeida.
  18. Sistema Jestaun e Sistema Intelijensia hodi kategoria kualidade Be’e husi Lidia Soares Magno.    
  19. Sistema Jestaun ba Ekipamentus iha Institutu de Gestão do Equipamento (IGE) husi Valentino Edison S. Araujo.
  20. Sistema Jestaun Base Dados ba estudante SOLS Nasional Bekora Dili husi Jenio da Silva Costa.

Husi departamentu mos preprara sertifikadu apresiasaun hodi oferese ba responvel poster sira ho nune’e  bele motiva liu tan sira no estudante DEI  hotu ba iha area peskiza sientifika tuir nesesidade social.

Aktividade ne’e organiza husi Nukleo Estudante DEI servisu hamutuk ho Alumni DEI  no hetan suporta husi JICA no  UNTL , sponsor  husi Kompanhia sira hanesan R2M IT Solution, Timor Telekom no Visimitra.

Mapa Local FECT



Pagina Facebook


Ba Leten